Para este experimento
precisamos: un prato, auga ou leite, pementa moída e un pouco de xabón líquido
de lavar a louza.
Nun prato botamos a auga ou leite, enriba engadimos a pementa moída; mollamos un dedo nun pouco de xabón de lavar a louza e tocamos a pementa, veremos como a pementa se separa da zona onde se toca co dedo cuberto de xabón.
A pementa moída flota sobre o líquido, neste caso auga. Na superficie a capa de auga é máis firme, dada a maior forza que se produce entre as moléculas, isto chámase tensión superficial. Ao tocar co dedo untado en xabón, a tensión diminúe no centro, facendo fuxir a pementa.
Este experimento é ideal para traballar hábitos de hixiene como lavar as mans, dado que podemos comparar os xermes coas partículas de pementa moída.
No hay comentarios:
Publicar un comentario