ANIVERSARIOS DO MES DE DECEMBRO

 NO MES DE DECEMBRO ESTÁN DE ANIVERSARIO: ÍAN E LUKA.

PARABÉNS!!😍

GALLETAS DE XENXIBRE

Un dos doces tradicionais destas datas son as galletas de xenxibre, son moi doadas de facer e os máis cativos poden axudar a elaboralas. Se queredes pasar un rato divertido, animádevos !!

Os ingredientes son os seguintes:

260 g de fariña. Se queredes facelas sen glute, hai que substituír a fariña de trigo por fariña panificable; unha opción podería ser: fariña de arroz 60%, amidón de millo 40% e unha culleriña de goma xantana ou psyllium. 

100 g de azucre moreno ou panela, é o que lle vai aportar a cor tan característica; de non ter, vale azucre normal.

1 culleriña de xenxibre moído.

1 culleriña de canela moída.

Un chisco de sal.

1/2 sobre de levadura química.

2 ovos pequenos ou 1 XL

150 gramos de manteiga  de vaca a temperatura ambiente, estilo pomada; para alérxicos aos lácteos usar margarinas vexetais.

Mestúranse os ingredientes secos e logo os húmidos e trabállase coas mans ata ter unha masa homoxénea. Unha vez feita a masa métese nun bol, cóbrese e gardase na neveira antes de traballar; isto fai que a masa endureza un pouco.

Despois de que a masa repouse, estirámola cun rodillo e cortámola co molde para galletas. metémolas ao forno por 10-15 minutos a 180 º, depende do forno. Espolvoreamos con azucre glass e gardámolas nun recipiente para galletas para que non se poñan brandas.

vídeo

DESCUBRIMOS O MARISQUEO A FLOTE CON PILY E VICTORIANO, OS PAIS DE NOA.

 Os papás de Noa permítennos descubrir  outra modalidade de marisqueo, o marisqueo a flote. 

Para mariscar a flote é preciso dispoñer dunha pequena embarcación coa que saír a faenar, dado que esta actividade se realiza en zonas máis afastadas da costa, onde sería imposible mariscar a pé pola altura da auga.

Así como as mulleres son maioría no marisqueo a pé, nesta outra modalidade os homes son os que predominan; isto débese á forza que é precisa exercer para manexar una gancha ou raño que conta con un mango moi longo para chegar ao fondo mariño.

Aínda que é unha forma de marisqueo máis dura, compénsao o poder apañar maior cantidad de marisco, teñen cupos máis grandes, e algunhas das variedades de ameixa que se apañan a flote  tales como: a ameixa babosa, roxa ou bicuda, non as hai nas praias onde se marisquea a pé. 

Ao igual que no marisqueo a pé, as confrarías establecen o tipo de marisco que se pode apañar e a cantidade. Tamén deben pasar pola embarcación de control unha vez rematan de faenar, onde lle pesan as capturas; para rematar, teñen que pasar pola lonxa, onde o marisco pasa pola peneira que separa as ameixas por tamaños. Alí  danlle un comprobante do que apañaron ese día: o tipo de marisco, a variedade, a categoría e os quilos.

Os papás de Noa  amósannos no seguinte vídeo como se realiza o marisqueo a flote; en concreto, nese día, a captura é de ameixa babosa. 

Moitísimas grazas a Pily e Victoriano por permitirnos descubrir outro dos tipos de marisqueo que se da na ría de Pontevedra.

 

VÍDEO