A ruta das Especias foi unha ruta comercial moi importante, as
especias viñan de China, India, Indonesia. Non era unha ruta única, variaba
segundo as condicións climáticas, a seguridade das zonas, conflitos etc. Pero
normalmente as especias chegaban a Europa polo Mediterráneo, atravesando Siria
ou Exipto por medio de comerciantes árabes. Unha vez chegaba aos portos de
Venecia ou Xénova, estas distribuíanse ao resto de Europa.
Nun principio, os comerciantes mantiñan en segredo e enchían de lendas e
misterio a ruta das especies, falaban de dragóns e seres terribles, tamén de
grandes perigos. Foi Marco Polo o que deu a coñecer a ruta das especies e das marabillas
que descubriu mentres estivo a traballar para Kublai khan.
O imperio Otomán fixo imposible manter esta ruta comercial, o que provocou
que grandes navegantes españois e portugueses buscaran rutas alternativas.
Deste xeito, foi como Colón descubriu un novo continente e Magallanes e Elcano
deron a primeira volta ao mundo.
O alumnado de 6º de Infantil abordará un proxecto apaixonante seguindo os pasos
de: Marco Polo, Colón, Magallanes e Elcano.
Para comezar montamos o noso planisferio e logo irémoslle dando forma
transformándoo nun cilindro, para rematar no globo terráqueo, e que así poidan
analizar a xesta destes homes de aceiro.
Resultou curiosa a dificultade que xurdiu no alumnado á hora de interpretar
lugares que estaban acostumados a identificar nun planisferio, unha vez a terra
ía collendo forma cilíndrica e logo esférica.
No hay comentarios:
Publicar un comentario