FACEMOS XABÓN CON PROCESO EN QUENTE.

Para facer este xabón de saponificación en quente precisamos pesar: 222g de auga destilada ou de manancial e 91g de sosa, esta mestura facémola no exterior, con luvas, gafas e mascarilla, pola reacción da sosa unha vez que se bota na auga. "Sempre se incorpora a sosa á auga e nunca ao revés, con protección e nun lugar ventilado".

Colocamos ao alumnado a certa distancia para que poidan observar dende un lugar seguro.

Mentres, temos a quentar a moi pouco gas ou a baño María os aceites de coco e oliva: 590g de aceite de oliva e 100g de aceite de coco.

Unha vez que a auga coa sosa xa deixou de botar fume e se volva transparente, engadímosllo ao aceite, batemos ben un rato con un batedor ata que colla a consistencia dunha natilla. Logo mantemos o lume ao mínimo, e batemos  ou removemos cada pouco, cando espumea e pareza que quere facer volcán. En total, uns 40-55 minutos despois de coller a textura de natilla antes mencionada. Hai que ter coidado de que non se salga o xabón.

O xabón estará listo cando deixe de espumar e quede con textura de puré, e cando medindo o pH se atope entre 7/8. Agora é o momento de engadir os aceites esenciais e logo metémolo en moldes.

En 24-48 horas xa podemos usar o xabón.