VISITAMOS O PAZO DE LOURIZÁN.

 O martes, 24 de marzo, visitamos o Pazo de Lourizán para observar ben de preto os cambios que se producen na natureza co cambio de estación. As árbores senlleiras, o brotar dos castiñeiros, as camelias, as cerdeiras, peros e lilas en flor...Todo isto, nun entorno inigualable: un pazo de estilo romántico, covas, saltos de auga, o invernadoiro, o hórreo e o pombal. Mostras dun pasado esplendoroso, pero hoxe en día con certo aspecto de abandono.