O venres, 24 de outubro, celebramos o Día das Bibliotecas. Este curso decidimos aproveitar este data para recordar un acontecemento que sucedeu fai 80 anos, concretamente o 6 e 9 de agosto de 1945; falamos dos bombardeos sobre Hiroshima e Nagasaki.
Descubrimos esta historia a través de Sadako Sasaki, unha
nena que sobreviviu ao bombardeo sobre a súa cidade, pero acabou contraendo
unha terrible enfermidade como consecuencia dos efectos das bombas. Sadako
propúxose unha meta, que logo continuaron os seus amigos, construír 1000 grúas
de papel, símbolo de lonxevidade e saúde; co fin de pedir unha cura para todas
as persoas doentes.
Esta historia foi traballada no cole no 2011, con motivo do terremoto
e tsunami de Fukushima, Xapón. O alumnado do centro construíu 1000 grúas de
papel para celebrar o Día da Paz. Posteriormente, foron enviadas a Xapón para colaborar na conmemoración do Día da Paz
nese país, o 6 de agosto.
O alumnado de terceiro ciclo foi o encargado de adaptar e
poñerlle voz a esta historia, coa finalidade de que non quede no esquecemento;
que todos nós, e oxalá as persoas que nos representen, poidamos reflexionar e aprender
do pasado para que non volva a suceder no futuro.
Dende o cole, temos organizado un taller de elaboración de
grúas de papel coa finalidade de crear 1000 para o Día da Paz, o
30 de xaneiro.
.jpg)
.jpg)
.jpg)
.jpg)
No hay comentarios:
Publicar un comentario