Coas pistas que atopamos na maleta da Bruxa Maruja, descubrimos que
Sam e Lucy se atopan en Viana do Castelo. Amosáronnos os lugares máis
importantes desta vila, entre os que destacan: o santuario de Santa Lucía, as
praias, os castros, o río Lima... Tamén a lenda que vai asociada ao nome da
cidade, que conta que un barqueiro se namorou de Ana, unha moza que vivía nun
castelo. Tanto se emocionaba cada vez que a vía na fiestra, que non paraba de
gritar: - VI A ANA DO CASTELO!!. Tantas veces repetiu a frase, que a vila acabou
chamándose Viana do Castelo.
Estase a crear unha película de animación portuguesa baseada nesta
lenda: “VIANA, A LENDA DOS CORAÇOES DE OURO”.
Pola nosa parte, co obxectivo de traballar a linguaxe, creamos un
pequeno escenario improvisado, coa misión de dramatizar a lenda de Viana do
Castelo.
No hay comentarios:
Publicar un comentario