8 DE MARZO, DÍA DA MULLER.

 Nos días previos ao 8 de Marzo, estivemos indagando sobre o sentido de dita data. Descubrimos que na época das nosas avoas e bisavoas algúns oficios estaban vetados para as mulleres, e que nalgúns casos, para facer determinadas xestións, tales como abrir unha conta bancaria ou sacar o carné de conducir dependían da aprobación dos maridos.

Outra das actividades que realizamos foi a de ver que queren ser de maiores os nosos alumnos/as. Resultou curioso que a maioría querían ser homes e mulleres pilotos  e azafatas, por influencia da temática de entroido; pero tamén chefs, mestras, exploradores/as, arqueólogos. Entón indagamos, buscamos información nas redes sociais para ver como foi a evolución deses oficios dependendo do xénero. Descubrimos que nalgunhas profesións, un exemplo a de piloto, estaba destinada a homes. Mulleres como Amelia Earhart e María Bernalda de Quirós, foron mulleres rompedoras e adiantadas ao seu tempo. Bettina  Kadner  é unha piloto de aviación española, foi a  primeira muller que en 1969 aos 22 años, pilotou un avión de pasaxeiros en España  e Europea; foi tamén a primeira muller comandante en 1972. Xubilouse  en 2006, e no 2022 puxéronlle o seu nome a un avión. 

Tamén homenaxeamos a María Telo, unha muller que estudou leis e loitou por e para lograr  a igualdade de dereitos entre homes e mulleres, facendo posible a modificación do Código Civil. Grazas a ela, hoxe en día, as mulleres españolas podemos abrir una conta bancaria, aceptar herdanzas, traballar, dispoñer dun salario, administrar bens...Todo isto sen ter que pedir permiso.

-“Después del ingreso en la universidad, mi vida ya no fue la misma. Al conocer tan directamente la situación jurídica de la mujer dentro del Código Civil, me sentí tan humillada, tan injustamente tratada, tan vilipendiada, tan nada, que ninguna explicación ni histórica, ni jurídica, ni religiosa, ni humana podían convencerme de que yo exageraba», relataba en su libro “Mi lucha por la igualdad jurídica de la mujer”.