Dado
que o 4º xoves do mes de novembro é Día de Acción de Gracias, decidimos
improvisar unha pequena presentación para sorprender á nosa auxiliar de
conversa Lucía, que ven de Estados Unidos e neste curso non o pode celebrar en
familia. Coa axuda da bruja Maruja, indagamos sobre o significado desa
celebración.
No
século XVII, cristiáns católicos de Reino Unido marcharon do seu país debido ás
súas crenzas. Uns deses cristiáns marcharon do seu país natal a bordo do buque
Mayflower. Atravesaron o océano Atlántico e chegaron as costas de Playmouth. Debido
ao mal tempo quedaron un pouco lonxe de onde pretendían arribar. Desconfiaban
das tribos de pobos orixinarios cos que se podían atopar; xa que non todos
recibían de bo modo aos estranxeiros. A falta de comida e auga, provocou que
se decidiran a baixar do barco, xa que a fame e as enfermidades estaban
causando moitas baixas.
Unha
vez en terra atopáronse co pobo Wampanoag, que axudou ás persoas que chegaron
no buque Mayflower aportándolles comida e auga, e logo axudándoos a
subsistir, amosándolles técnicas de caza, pesca e ensinándoos
a cultivar a terra.
En
agradecemento ao pobo Wampanoag fixeron unha festa pola axuda prestada, sen a
cal non sobrevivirían. Dende aquela foise establecendo esa tradición, que agora
se converteu nun día festivo, nunha celebración familiar na que se reúnen as
familias, e na que non pode faltar o pavo.
A preparación da presentación fixémola en dúas sesións, e as imaxes foron elaboradas por equipos. Os nervios fixeron que non saíra todo o ben que se esperaba, pero Lucía levou unha grata sorpresa.
No hay comentarios:
Publicar un comentario