Despois de
agardar 18 días, observando a evolución dos embrións a través da luz da
lanterna, nacen por fin as crías de paspallás. Primeiro afloraron uns pequenos
peteiros, logo unhas cabeciñas; por último, uns pitiños escuros e húmidos. Ao
pouco de nacer xa están movéndose e buscando comida.
O éxito desta misión débese aos pais de Xiana, que conseguiron a incubadora e monitorizaron a evolución dos ovos en todo momento. Foi unha experiencia inesquecible, que levaremos no recordo para a vida; non sempre é posible ver de preto a evolución dun ser vivo. Non teño máis que palabras de agradecemento para a familia de Xiana, por permitirnos desfrutar desta vivencia, pola súa dedicación e por retransmitirnos a través de vídeos e en persoa, sempre que foi posible, o avance diario dos embrións primeiro, e logo dos polos.
No hay comentarios:
Publicar un comentario