Thiago trae ao cole unha eiruga que atopou no seu xardín. Ten unha especie de corno azul e unha cor verde moi intensa cunhas franxas a cada lado, o que lle permite camuflarse imitando a cor e os nervios dunda folla.
Estivemos indagando en Google Lens e outras aplicacións de insectos, e chegamos á conclusión de que é unha eiruga de esfinxe do tilo. Unha vez identificada a curiosidade é tremenda, todos queremos saber máis: o que come, como nace, onde vive etc.
Despois de moito indagar descubrimos que:
Nacen de ovos que as bolboretas esfinxe poñen na
árbore da que se van a alimentar.
Entre os 14 e 21 días despois da posta nacen
as larvas, que se alimentan de follas de árbores caducifolios. Podémolas observar nos meses de xuño a setembro.
As larvas sitúanse no reverso das follas, así
pasan desapercibidas para os depredadores, normalmente paxaros.
Cando van a facer o casulo, baixan á terra e
perden a súa intensa cor verde para agocharse na base da árbore.
Pasan o inverno en forma de casulo baixo a
terra e emerxen en forma de bolboreta na primavera ou verán do ano seguinte. Cando
son adultos non comen, a súa misión é a de reproducirse.
No hay comentarios:
Publicar un comentario