CARTILLA DE LECTURA.

 CARTILLA DE LECTURA  DE  MAYÚSCULAS.

CUENTOS DE LAS VOCALES.

CUENTOS LETRILANDIA 2

CUENTOS LETRILANDIA 3

CUENTOS LETRILANDIA 4

CUENTOS LETRILANDIA 5

CUENTOS LETRILANDIA 6

FICHAS DE REFORZO DE INVERNO.

 Fichas variadas para ter onde escoller sobre o inverno.

CARPETA CON FICHAS.

ANIVERSARIOS DO MES DE XANEIRO.

 NO MES DE XANEIRO ESTÁ DE ANIVERSARIO: OLIVIA.

PARABÉNS!!😍😍

XERMOLAN AS PRIMEIRAS SEMENTES DE TOMATE.

 O pasado 10 de xaneiro, facemos a sementeira de pementos e tomates. 

Todos os días ao entrar no cole ou á volta do recreo observamos se das macetas sae algunha planta. As primeiras en xermolar son as tomateiras, dez días despois de sementar.

LUCY E SAM DESCUBREN VILA DO CONDE.

Lucy e Sam continúan percorrendo o Camiño Portugués pola Costa, neste caso atópanse en Vila do Conde. Ambos quedan abraiados co seu acueduto romano, coas súas igrexas, o forte de San Joao, as súas praias e co río Ave.  

Na desembocadura deste río, na antigüidade, había un estaleiro onde se construíron moitas das carabelas e naos que se empregaron nos descubrimentos e na ruta das especias e da seda. 

Puidemos ver a nao  Quinhentista, unha réplica exacta dunha embarcación antiga. A través dun vídeo puidemos observar o material de construción  do barco,  como era por dentro, as diferentes estancias e a utilidade das mesmas. Quedamos abraiados de como nun espazo tan reducido podían convivir de 120 a 150 persoas. Outra das cousas que nos sorprendeu foi que había unha zona destinada para grumetes, que eran nenos de 7 anos en adiante, estes facían o traballo que os mariñeiros non querían: limpar, barrer, carretar cousas etc.

Unicamente había 7 pequenos camarotes para os membros destacados da tripulación, os demais durmían acenados no chan da nave.

A vida nun barco era moi dura, o non poder saír a porto por longas tempadas, a falta de espazo, a alimentación a base de galletas, peixe e carne seca e auga de barril que non sempre estaba en boas condicións, provocaba carencia de vitaminas e minerais e enfermidades tales como o escorbuto, producida por falta de vitamina C ao non inxerir froitas e verduras frescas.

 No cole, recibimos un  pendrive da bruxa Maruja coa información aportada por Lucy e Sam e un sobre con unha serie de palabras clave que nos axudaban a descubrir a temática da lenda de Vila do Conde, a lenda do río Ave, que nace na serra da Agra e desemboca nesta vila.

 A lenda do río ave trata dunha cabreira que coidaba un rabaño de cabras na serra da Agra. Un día aparece na serra un nobre que anda a cazar, ambos se namoran, pero o mozo ten que regresar á vila e, aínda que promete volver, a cabreira acaba soa e triste. Con todas as súas vágoas vaise formando un regato que desemboca en Vila do Conde; por último transfórmase nun paxaro que sae voando sobre o leito do río na procura do seu namorado.