RECICLAMOS PAPEL.

 A Bruxa Maruja deixa na clase a maleta con papel en remollo, ao parecer quere que axudemos a coidar o planeta reciclando o papel vello que teñamos polo cole.

Para esta misión necesitamos a unha experta en reciclar papel, descubrimos que Andrea, a mestra de AL., coñece a técnica de facer papel reciclado e pedímoslle axuda. Coa colaboración de Andrea reciclamos fichas vella e xornais. 

O Primeiro que temos que facer e romper o papel en anacos, canto máis pequenos mellor, para que o batedor eléctrico non se requente.

Botamos o papel en capachos e engadímoslle auga, deixámolo en remollo e pasámoslle o batedor. Deixamos que algún voluntario use o batedor, pero con sentidiño, agarrándoo coas dúas mans e sen levantalo da tina; e moi importante, coa mestra ao lado.

Unha vez teñamos o puré, imos botándoo no cedazo, comprobamos que quede unha capa homoxénea e dámoslle a volta sobre unha saba, tea ou periódico que estea sobre unha superficie dura; no noso caso cartón.

Escorrémoslle a auga con panos ata que o cedazo salga e deixamos secar ao sol.