Chegamos ao final dunha etapa, unha etapa marabillosa na que tiven o pracer de coincidir con un grupo de nenos e nenas exemplares: en comportamento, entusiasmo e motivación; e que dicir das familias, entre todos conformamos unha gran familia que colaborou en todo momento, creando momentos e recordos inesquecibles: montamos unha horta, criamos pitos, participamos nos Maios...
O tempo pasou voando de aventura en aventura, e a verdade, é que as risas non faltaron. Foron tres anos fantásticos; pero como todo o bo remata, toca despedirse, pero non con tristeza, senón coa alegría de superar unha etapa con éxito e dos recordos tan bonitos que atesouramos. Foi un verdadeiro pracer e un gran orgullo ser a vosa mestra, continuarei pendente de todos e todas.
Deséxovos que sexades moi felices e que cumprades os vosos soños; pero ante todo, desexo que sexades boas persoas. Unha aperta moi grande e... ata sempre!!😽😽😽
No hay comentarios:
Publicar un comentario